"تخریج الحدیث — نشأتہ ومنہجیتہ" علمِ تخریجِ حدیث کی ابتداء، ارتقاء اور اس کے مناہج و طریقوں پر ایک نہایت علمی اور تحقیقی کتاب ہے۔ اسے ڈاکٹر محمد ابو اللیث الخیر آبادی نے تصنیف فرمایا ہے، جو کلیہ معارف الوحی وعلوم الانسانیہ میں علمِ حدیث و علومِ حدیث کے استاذ ہیں۔
اس کتاب میں علمِ تخریج کی تاریخی پس منظر، اس کے آغاز و ارتقاء اور اس علم کے مختلف مناہج و طریقہ کار کو نہایت تفصیل اور علمی انداز میں بیان کیا گیا ہے۔ تخریجِ حدیث ایک اہم علمی فن ہے جس میں کسی حدیث کے اصل مصادر و مراجع تلاش کیے جاتے ہیں اور اس کی سند و متن کا جائزہ لیا جاتا ہے۔ یہ کتاب اس فن کو سمجھنے کے لیے ایک مکمل رہنما کا کام کرتی ہے۔
