"المقدمۃ الآجرومیۃ" عربی زبان کے علمِ نحو کی ایک انتہائی مشہور اور مقبول ابتدائی کتاب ہے، جسے ابو عبداللہ محمد بن داود الصنہاجی المعروف بـ"ابنِ آجروم" (رحمۃ اللہ علیہ) نے تصنیف فرمایا۔ آپ کی ولادت ۶۷۲ھ اور وفات ۷۲۳ھ میں ہوئی۔
یہ کتاب صدیوں سے دنیا بھر کے دینی مدارس اور اسلامی درس گاہوں میں عربی گرامر کی تعلیم کے لیے بطورِ نصاب پڑھائی جاتی ہے۔ اس کی سادہ، مختصر اور جامع عبارت نے اسے طلبہ کے لیے ایک بنیادی اور ناگزیر کتاب بنا دیا ہے۔
زیرِ نظر نسخہ ڈاکٹر عبدالحسین محمد الفیل کی تحقیق کے ساتھ شائع ہوا ہے، جو مسجدِ نبوی شریف کے امام و خطیب ہیں۔ اس تحقیق میں چودہ قدیم نسخوں کا موازنہ کیا گیا ہے اور باسند اجازت کے ساتھ اسے ترتیب دیا گیا ہے۔
یہ کتاب مکتبۃ العلوم والإسلام (پاکستان) کی طرف سے شائع کی گئی ہے۔
